Ҳурматли фойдланувчилар!

Бугун биз Жаҳон сув ресурслари кунини нишонлаймиз — бу кун бутун дунё ҳамжамияти сайёрамизнинг енг муҳим табиий бойликларидан бирини сақлаб қолиш йўлида бирлашадиган кунда нишонланади. Сув — ҳаёт манбаи бўлиб, унинг мавжудлиги ҳар бир инсон фаровонлигининг кафолати ҳисобланади.

Сизларга сувдан оқилона фойдаланиш тобора муҳим аҳамият касб етаётганини еслатмоқчимиз. Иқлим ўзгариши ва аҳолининг ўсиши шароитида сув ресурсларидан оқилона фойдаланиш масаласи биринчи ўринга чиқмоқда. Биз барча фуқароларни кундалик ҳаётда сувни тежашга, замонавий технологиялар ва сув таъминоти тизимларидан фойдаланишга ҳамда атрофимиздаги сув ҳавзаларининг тозалигига ғамхўрлик қилишга чақирамиз.

Дунё миқёсида сув ресурслари ҳолати алоҳида назорат остида бўлиб, ҳар биримиз бу қимматбаҳо табиий бойликни сақлаб қолишга ҳисса қўша оламиз.

Ягона давлат хизматлари порталида сув ресурсларидан оқилона фойдаланиш ва уларни асрашга қаратилган қуйидаги хизматлардан фойдаланишингиз мумкин:
 • Гидрогеологик хулоса олиш
 • Сунъий сув ҳавзаларидан махсус сувдан фойдаланиш ёки сув истеъмоли учун рухсат олиш
 • Табиий сув ҳавзаларидан махсус сувдан фойдаланиш ёки сув истеъмоли учун рухсат олиш
 • Сув хўжалиги иншоотларини (мосламаларини) сув обйектларида кўчириш, қайта қуриш бўйича хулоса тақдим етиш