Фармацевтика соҳасида фаолият юритасизми? Хориждан тиббиёт ва дори воситаларини импорт қилишда вақтингиз ва пулингизни, айниқса асабларингизни асрашни истайсизми? Бунинг йўли осон.

Энди сиз тиббиёт соҳасига тегишли маҳсулотлар ва дори воситаларини юртимизнинг медицина ва фармацевтика бозорига олиб киришда уни онлайн рўйхатдан ўтказиш орқали тегишли гувоҳномани қўлга киритишингиз мумкин. 

Тиббий буюмлар ва дори воситасини рўйхатдан ўтказиш барча учун мажбурий тартиб бўлиб, бундан мақсад мамлакат бозорида фойдаланиладиган ва сотиладиган маҳсулотларнинг сифати ва хавфсизлигини таъминлашдир.

Тиббий буюмлар ва дори воситаларини онлайн рўйхатдан ўтказиш учун нима қилиш зарур?

Бунинг учун Сизга my.gov.uz Ягона портали тегишли гувоҳномани олиш тартиб-таомилларини енгиллаштириш ва сезиларли даражада тезлаштириш орқали барча жараёнлардан ўтишингизда ўз ёрдамини тақдим этади.

Мазкур хизматдан фойдаланишда Сиздан қуйидагилар талаб этилади холос:

• Ягона портал My.gov.uz га ўтиш;
• “Лицензиялаш” бўлимидан мазкур хизмат турини топиш; 
• Керакли кетма-кетликни амалга ошириш;
• Тегишли идора жавобини кутиш.

Гувоҳнома бериш тўғрисидаги аризани кўриб чиқиш учун ариза берилган кундан базавий ҳисоблаш миқдорининг 10 баробари ҳажмида тўлов ундирилади.  

Хизматдан фойдаланиш учун ҳавола:
https://my.gov.uz/uz/service/329 - Ўзбекистон Республикасида дори воситаларини давлат рўйхатидан ўтказиш тўғрисида ариза бериш хизмати;
https://my.gov.uz/uz/service/330 - Тиббий буюмларни давлат рўйхатидан ўтказиш учун ариза юбориш хизмати

My.gov.uz – Сиз ўйлагандан кўра осонроқ