Yoʻl harakati qoidalarini buzganlik uchun javobgarlikni boshqa shaxsga oʻtkazish

Ariza beruvchi so‘rovnomada yo‘l harakati qoidalari buzilganligi uchun javobgarlikni o‘z zimmasiga oluvchi shaxsning shaxsini tasdiqlovchi hujjat ma’lumotlari, JShShIRi hamda transport vositasini boshqarish muddatini ko‘rsatadi.

Elektron ishonchnoma va sug‘urta ma’lumotlari axborot tizimlari orqali avtomatik ravishda tekshiriladi. Agar transport vositasi bosh ishonchnoma asosida boshqarilayotgan bo‘lsa, uning elektron nusxasi so‘rovnomaga ilova qilinadi.

Transport vositasini boshqarish huquqini olgan shaxs mazkur javobgarlikni ERI, Mobile-ID yoki Face-ID orqali tasdiqlaydi.

So‘rovnoma tasdiqlangach, belgilangan to‘lov amalga oshiriladi hamda ma’lumotlar avtomatik ravishda Yo‘l harakati xavfsizligi xizmati axborot tizimiga yuboriladi.