Автотранспорт воситасига экологик стикер олиш учун ариза топшириш

1. Ариза берувчи Ягона интерактив давлат хизматлари порталида (ЯИДХП) авторизациядан ўтади (ёки рўйхатдан ўтади) ва электрон ариза юборади.

2. Аризада транспорт воситаси тўғрисидаги маълумотлар ҳамда экологик стикерни почта орқали етказиб бериш манзили кўрсатилади.

3. Тизим томонидан почта харажатлари учун тўлов инвойси шакллантирилади.

4. Ариза берувчи почта хизматлари учун белгиланган тўловни электрон шаклда амалга оширади.

5. Ваколатли орган транспорт воситаси маълумотларини ахборот тизимлари орқали текширади ва экологик тоифани автоматик аниқлайди.

6. Экологик стикер расмийлаштирилади, чоп этилади ва почта орқали ариза берувчига юборилади.