IT-Visa га ариза топшириш

IT Park резиденти мақомини олиш учун:

Ўзбекистон Республикаси ҳудудида юридик шахс сифатида рўйхатдан ўтиш;

IT Park резидентлари учун рухсат этилган фаолият турлари рўйхатига мувофиқ фаолият тур(лар)ини амалга ошириш (https://lex.uz/docs/4422256);

Порталда иқтисодий жиҳатдан асосланган бизнес-режани тақдим этиш (https://it-market.uz)

IT-Visa ни кимлар олиши мумкин?

IT-мутахассислар — ахборот технологиялари соҳасида мутахассислик/ихтисосликка эга, Ўзбекистон Республикасидаги юридик шахс – резидентда IT-йўналишида ишлаётган ва сўров юбориш вақтидан олдинги 12 ой мобайнида IT-фаолиятдан камида 30 000 АҚШ долларига тенг даромад олганини тасдиқлай оладиган шахс.

IT Park резиденти муассиси — белгиланган тартибда рўйхатдан ўтказилган ва Резидентларнинг ягона реестрига киритилган Технопарк резиденти бўлган юридик шахснинг муассиси ҳисобланган жисмоний шахс.

Инвестор — ахборот технологиялари соҳасида фаолият юритаётган юридик шахсга, келишув асосида, камида 10 000 АҚШ доллари миқдорида маблағ киритаётган жисмоний шахс ёки хорижий инвестиция компаниясининг вакили.