Меҳнат шартномасини тузиш

Ташкилот янги ходимни ишга қабул қилиш жараёнида ЯММТ (Ягона миллий меҳнат тизими) орқали меҳнат шартномаси маълумотларини киритади ва ходимнинг Ягона порталдаги (my.gov.uz) шахсий кабинетига ишга қабул қилиниши ҳақида электрон хабарнома (билдиришнома) жўнатилади.

Ходим Ягона порталдаги шахсий кабинетига кириб, юборилган хабарномани текширади ва агар маълумотлар тўғри бўлса — уни тасдиқлайди (электрон тасдиқ). Ходим хабарномани тасдиқлагандан сўнг меҳнат шартномаси ЯММТда расмий равишда рўйхатга олинади ва электрон меҳнат дафтарчаси шаклланади.

Ходим расмийлашган электрон меҳнат шартномасини my.gov.uz шахсий кабинетидан юклаб олиши мумкин.