Кўчмас мулк бўйича аҳолимиз учун яхши қулайлик

Яқин-яқингача уй-жой, ер-мулк ҳужжатлари билан боғлиқ муаммолар энг оғриқли нуқтамиз эди. Битта мулкка иккита эга чиқиб қолиши ҳолати кўпчиликни қийнарди.

Бугун рақамлаштириш туфайли мазкур муаммога ҳам босқичма-босқич барҳам берилмоқда.

Ягона порталда ишга тушган “Давлат кадастр реестридан кўчмас мулк бўйича кўчирмани текшириш” хизмати ҳам аҳолимиз учун яхши қулайлик бўлаётгани шубҳасиз.

Энди my.gov.uz порталида рўйхатдан ўтганлар “Кўчмас мулк объектларига бўлган ҳуқуқларни давлат рўйхатидан ўтказишга ариза юбориш” хизматидан фойдаланиш баробарида унинг жавобини текшириш имкониятига ҳам эгадирлар.

Бунинг учун ҳавола орқали "Хизматдан фойдаланиш”га ўтиш кифоя.

Хизмат тўлиқ автоматлаштирилган бўлиб, фойдаланувчидан ҳеч қандай ҳужжат талаб этилмайди.