9 февраль — Алишер Навоий, буюк ўзбек шоири ва файласуфи таваллуд топган кун. Бугун биз ёзувчилар ва нашриётчиларга ўз асарларини кенг аудиторияга тақдим этишда ёрдам берувчи замонавий имкониятларни эслатиб ўтмоқчимиз. 📖

Агар сиз китоблар ёки мунтазам нашрларни яратмоқчи бўлсангиз, қуйидаги давлат электрон хизматлари сизга фойдали бўлиши мумкин:

📚 ББК индекси-(Кутубхона-библиографик тасниф)

Сиз китобингиз кутубхонада муносиб ўрин эгаллашини хоҳлайсизми? Ушбу индекс адабиётларни тўғри таснифлашга ёрдам беради ва уларни ўқувчилар томонидан топишни осонлаштиради.

📖 УДК индекси-(Универсал ўнлик тасниф)

Бутун дунё бўйлаб илмий ва бадиий нашрларни тизимлаштириш учун қўлланиладиган тизим. Илмий нашрлар, дарсликлар ва бошқа асарлар учун мажбурий ҳисобланади.

📕 ИСБН (Халқаро стандарт китоб рақами)— китобингиз паспорти

Сиз китобингиз бутун дунё бўйлаб танилган бўлишини хоҳлайсизми? Халқаро стандарт китоб рақамини (ИСБН) олиш китобингизни расмий рўйхатдан ўтказади, тарқатиш ва сотишни осонлаштиради.

📰 ИССН (Халқаро стандарт серия рақами)

Агар сиз журнал ёки бошқа серияли нашрларни чиқараётган бўлсангиз, Халқаро стандарт серияли рақам (ИССН) унинг расмий мақомини тасдиқлайди ва каталогларда рўйхатдан ўтказишни осонлаштиради.

Бугунги технологиялар муаллифларга асосий нарсага – яратувчиликка эътибор қаратишга имкон беради, китоблар ва нашрларнинг шаклланиши эса электрон давлат хизматлари туфайли осонлашди. Алишер Навоий мероси сизни илҳомлантирсин, биз эса асарларингизни ҳар бир ўқувчига тақдим этишга ёрдам берамиз! 📝 💻

📌 Зарур хизматларни онлайн тарзда расмийлаштиринг ва китобингиздан китобхонлар баҳраманд бўлишидан завқланинг!