Elektron raqamli imzoni onlayn tarzda olish

Электрон рақамли имзо қандай олинади?

Ўзбекистонда электрон рақамли имзо олишнинг икки усули мавжуд:

1. Онлайн тарзда my.gov.uz портали ва e-imzo.soliq.uz сайти орқали

2. Офлайн тарзда Давлат хизматлари марказларига шахсан ташриф буюрган ҳолда

Биз my.gov.uz портали орқали олиш тартибини кўриб чиқамиз.

My.gov.uz бу энг қулай, тезкор ва арзон усул. Сиз уйдан ёки ишхонадан туриб ҳам ЭРИ учун ариза топширишингиз мумкин.

Дастлаб компьютерингизга E-imzo модулини юклаб олинг: https://e-imzo.soliq.uz/download

Мобил қурилмангизга эса MyID иловасини ўрнатинг:

📲 iOS: MyID App Store

        📲 Android: MyID Google Play

Шундан кейин my.gov.uz орқали ариза топширишни бошланг.

Бош саҳифадан Солиқ бўлимига ўтинг. “Жисмоний шахсларга электрон рақамли имзо олиш” хизматини танланг.

Хизмат тавсифи билан танишиб, “Фойдаланишни бошланг”. 

Берилган эслатмаларни диққат билан ўқиб чиқинг.Сўнгра аризани тўлдиришга ўтинг.

Шахсий идентификацион рақамингизни текширинг.

MyID иловаси орқали шахсингизни тасдиқланг. QR кодни сканер қилиб, “Юбориш” тугмасини босинг. 

      Кейин "Калит яратиш" тугмасини босинг ва Сақлаш учун дискни танланг
4 дан 8 та рақамгача бўлган парол яратинг ҳамда тасдиқланг. 

Шошилманг! Тизим маълумотларни текшириши учун бироз кутиш керак.
"Кейингиси" тугмаси ёнгач, жараённи давом эттиринг.
 

Шундан сўнг, электрон рақамли имзо учун тўлов чиқади:

   Балансингизда маблағ бўлса, автоматик ечилади. Йўқ бўлса, инвойс шаклланади

Бунда QR кодни сканерлаб, тўлов иловалари орқали тўловни амалга оширинг.

Эслатма! Ариза My.gov.uz орқали топширилганда давлат божи арзонроқ бўлади.

Шунингдек, “Темир дафтар”, Аёллар дафтари” ва “Ёшлар дафтари”га кирган айрим тоифадаги фуқароларга электрон рақамли имзо бепул берилади.

Тўлов амалга оширгандан сўнг аризангиз кўриб чиқилишини кутинг. Ариза жавоби одатда 5 дақиқада тайёр бўлади.

Электрон калит 7 KB ҳажмда танланган дискка сақланади.

Парол эса SMS орқали юборилади — уни эҳтиёт қилинг, ҳеч кимга берманг!


 

2. Давлат хизматлари марказлари орқали:

Агар электрон рақамли имзони онлайн олишга қийналсангиз ёки шахсан мурожаат қилишни хоҳласангиз, Давлат хизматлари марказларига мурожаат қилишингиз мумкин.

Бунинг учун ўзингиз билан Паспорт ёки ID-картангизни ва флешкага ўхшаш ташқи хотира қурилмасини олиб боринг.

Ходимга Электрон рақамли имзо олиш истагингизни билдиринг.

Ходим аризани сизнинг номингиздан тўлдиради.

Давлат божини тўлайсиз ва электрон рақамли имзонгиз тайёр бўлгач, уни олиб кетасиз.

Табриклаймиз! Энди сиз 2 йил муддатга берилувчи янги электрон рақамли имзо эгасисиз!
​​​​​​