Har yili 30-iyul sanasida dunyo bo‘ylab Xalqlar doʻstligi kuni keng nishonlanadi. Ushbu sana 2011-yilda BMT Bosh Assambleyasi tomonidan belgilangan bo‘lib, uning asosiy maqsadi — xalqlar, madaniyatlar va davlatlar oʻrtasida oʻzaro ishonch, hurmat, birdamlik va doʻstona munosabatlarni mustahkamlashdir.

Bugungi kunda dunyodagi barqarorlik, taraqqiyot va tinchlik aynan turli xalqlar oʻrtasidagi doʻstlik va hamkorlikka asoslanmoqda. Oʻzaro hurmat, bagʻrikenglik va murosaga asoslangan jamiyatda har bir inson oʻzini erkin, xavfsiz va qadrlangan his qiladi.

Oʻzbekiston Respublikasi doʻstlik va totuvlik tamoyillarini doimo qadrlab keladi. Mamlakatimizda turli millat va elat vakillari yagona oiladek tinch-totuv yashab kelayotgani bu g‘oyaning amaliy isbotidir.

My.gov.uz portali ushbu kunda barcha yurtdoshlarimizni mehr-oqibat, totuvlik va bir-birini tushunishga asoslangan jamiyat barpo etishda faol bo‘lishga, doʻstlik va hamjihatlik gʻoyalarini qadrlashga chorlaydi.

Keling, doʻstlikni asraylik va birgalikda farovon, tinch va barqaror jamiyat sari harakat qilaylik!