O‘zbekiston Respublikasida ishlab chiqarilgan oziq-ovqat va qishloq xo‘jaligi mahsulotlariga sanitariya-epidemiologik xulosa berish

1. Ariza beruvchi YIDXPda ro‘yxatdan va/yoki avtorizatsiyadan o‘tadi va ariza yuboradi hamda arizani ko‘rib chiqish uchun belgilangan tartibda to‘lovni amalga oshiradi.

2. Arizani ko‘rib chiqish uchun to‘lov amalga oshirilganidan so‘ng Vakolatli tashkilot soʻrovnomada va (yoki) hujjatlarda xato-kamchiliklar mavjudligini tekshiradi hamda xatolik aniqlanmasa arizachiga maxsus ekspertiza oʻtkazilishi uchun belgilangan tariflar boʻyicha shakllantirilgan invoys taqdim etiladi.

3.  Ekspertiza o‘tkazish uchun to‘lov amalga oshirilganidan so‘ng masʼul sanitariya vrachi tomonidan joyiga chiqqan holda mahsulot ishlab chiqarish korxonasi yoki mahsulot saqlanayotgan obyektda sanitariya-epidemiologik tekshiruv hamda akkreditatsiyadan oʻtgan laboratoriyalar mutaxassislari tomonidan namunalar boʻyicha sinovlar oʻtkaziladi.

4. Mahsulot sanitariya qoidalari, texnik jihatdan tartibga solish sohasidagi normativ hujjatlarga muvofiq deb topilganda arizachiga tegishli sanitariya-epidemiologik xulosa taqdim etiladi.