📱 MyGov ilovasining yangilangan talqini hayotingizni yanada osonlashtiradigan ajoyib imkoniyatlar bilan boyidi. Endi davlat xizmatlari sizga har qachongidan ham yaqinroq bo'ldi.

❗️ Raqamli hujjatlar — hammasi smartfoningizda!

🗣 Test sinovi tariqasida raqamli hujjatlar ishga tushirildi! Ma'lumot uchun: shu yilning 1-iyulidan boshlab ko'plab raqamli hujjatlarning qog'oz shaklini yoningizda olib yurishingiz shart bo'lmaydi. Barcha kerakli hujjatlar endi doim qo'l ostingizda, MyGov ilovasida!

❗️ Avtomobil egalari uchun qo'shimcha qulayliklar!

🗣 Endi avtotransportga taalluqli barcha xizmatlarni oson va qulay tarzda boshqarishingiz mumkin. Shuningdek, avtomobilingizga tegishli ma'lumotlarni monitoring qilish, xususan, yo'l harakati qoidabuzarligi uchun jarima ballari to'g'risida ma'lumot olish imkoniyati ham mavjud.

❗️ Eng muhimi — yangi "Avtoxabar" xizmati ishga tushdi! 

🚗 Endi avtotransportning davlat raqamini yozish orqali zarur hollarda, avtomobil egasiga mashina joylashgan joylashuv bilan birgalikda xabar yuborish imkoniyati paydo bo'ldi. Bu xizmat orqali:
⏺ Mashina qulflanmay qolsa;
⏺ Yo'lni boshqa transport vositasi to'sib qo'ysa;
⏺ Yoki boshqa muhim holatlar bo'yicha xabar tezda egasiga yetkaziladi.

🟡 Ushbu qulayliklar vaqtingizni tejab, muammolarni tezkor hal qilishga yordam beradi!

📱 MyGov ilovasini yangilab olishni unutmang!