⚡️2025/2026 o‘quv yili uchun my.gov.uz orqali onlayn ro‘yxatdan o‘tishga start berildi! 

🧑‍💻 Aziz abituriyentlar, kutilgan onlar keldi! Bugun, 5-iyundan 2025/2026 o‘quv yili uchun Oliy va professional ta’lim muassasalariga qabul uchun ro‘yxatga olish boshlandi!

✨ Bu yil ham qabul jarayonlari "avval test, so‘ng tanlov" tamoyiliga muvofiq bir vaqtda o‘tkaziladi. Va bu sizga ko‘proq imkoniyat beradi!

👍 Ya’ni avval test sinovida to‘plagan balingizga qarab, oliy ta’limning bakalavriat yo‘nalishiga, keyin esa Professional ta’lim muassasalariga (kollej va texnikumlar) o‘qishga kirish uchun tanlovda ishtirok etasiz.

📆 Kirish imtihonlari: Iyul-avgust oylarida o‘tkaziladi.

✅ Davlat oliy ta’lim muassasalari bakalavriatiga qabul jarayoni 2 bosqichda:

1️⃣-bosqich (5-iyundan 25-iyungacha — 25-iyun kuni ham):
💬 Test sinovi topshirish uchun ro‘yxatdan o‘tasiz.
💬O‘zingizning fanlar majmuasi, ta’lim tili va test topshirish hududini tanlaysiz.
💬 Agar kirish imtihonlari tarkibida kasbiy (ijodiy) imtihon bo‘lsa, uni topshiradigan davlat OTMni belgilaysiz.

2️⃣-bosqich (test sinovlari to‘liq yakunlangandan so‘ng 15 kun davomida):
💬 Oliy ta’lim muassasasi;
💬 Bakalavriat ta’lim yo‘nalishi;
💬 Ta’lim shaklini tanlaysiz.

🏛 Kollej va texnikumlarga-chi? OTMlarga qabulning yakuniy natijasi e’lon qilinganidan so‘ng 10 kun muddatda kollej va (yoki) texnikumni, kasb va mutaxassislikni hamda ta’lim shaklini tanlaysiz.

🗣 Barcha abituriyentlarga omad tilaymiz!