🔔 Umumta’lim maktablarida o‘quv yili yakunlanib, o‘quvchilar yozgi ta’tilga chiqishdi. Yozgi ta’tilda bolalar vaqtini mazmunli tashkil etish uchun my.gov.uzda sog‘lomlashtirish oromgohlariga yo‘llanma olish xizmati ishga tushirildi.

 🟡 Ushbu imkoniyat orqali ota-onalar o‘z farzandlari uchun qulay mavsum va oromgohni tanlab, uydan chiqmasdan turib ariza yo‘llashi va to‘lovni amalga oshirib, yo‘llanma olishi mumkin. 

👉 Xizmatdan foydalanish uchun:
⏺ my.gov.uz portalidan "Bolalar oromgohlariga yo‘llanma olish uchun ariza berish" ni tanlaysiz;
⏺ Yo‘llanma olmoqchi bo‘lgan farzandingizni belgilaysiz;
⏺ Oromgoh va qulay mavsumni ko‘rsatasiz;
⏺ To‘lovni amalga oshirib, elektron yo‘llanmani olasiz.
⏺ Yo‘llanma to‘lov amalga oshirilganidan so‘ng avtomatik ravishda shakllanadi.

Muhim: Yo‘llanma band qilingach, 30 daqiqa ichida to‘lov to‘liq amalga oshirilmasa, u avtomatik tarzda bekor bo‘lib, band qilingan yo‘llanma qayta sotuvga chiqariladi.
Bolalar oromgohlariga yo‘llanma 7-14 yoshdagi bolalarga beriladi. 

💰 O‘zbekiston Respublikasi fuqarolari farzandlari uchun yo‘llanma narxining 50% miqdori Bolalar sog‘lomlashtirish va aholi salomatligini tiklashga ko‘maklashish jamg‘armasi hisobidan qoplab beriladi va portaldagi yo‘llanma narxlari ushbu kompensatsiya puli inobatga olingan holda shakllantiriladi.

👫 Mazkur xizmat orqali farzandingiz uchun sog‘lom va mazmunli ta’tilni tashkil etishga shoshiling.

📱 my.gov.uz xizmatlaridan foydalanib, vaqtingizni tejang!